Lavdosh Ferruni: Drafti i hartuar nga INFOCIP eshte profesional. Tregoni kujdes per afatet dhe definicionet e referendumit vendor

Lavdosh Feruni, ambientalist, aktivist dhe themelues i AKIP, duke adresuar forumin e shoqerise civile ne kuader te Tryezes se Dyte Kombetare te Nismes per REFERENDUMIN pershendeti punen e ekperteve te INFOCIP per draftin e hartuar. “Projetligji i hartuar eshte i detajuar dhe duket qe ka nje qasje profesionale”, tha aktivisti Ferruni ne fjalen e tij.

Ai solli me pas ne fjalen e tij pervojen direkte ne rastin e inicimit te referendumit lokal per Petroliferen e Vlores. “Ne kete draft duhet ndarë me shume kujdes definicioni se çfare konsiderohet nje referendum kombetar dhe çfare do te konsiderohet nje referendum vendor:, shtoi ai, duke rikujtuar refuzimin qe i beri mbi kete argument KQZ nismes referendare per Petroliferen.

 
Ai gjithashtu preku çeshtjen e afateve te zhvillimit te referendimit dhe kerkoi qe kjo te gjeje nje percaktim me te detajuar ne projektligj. Ai sugjeroi qe edhe referendumet te behen ne sezonin e veres, njesoj sikurse veprohet per zgjedhjet politike apo per zgjedhjet per pushtetin vendor.