Vendim për miratimin, në parim, të marrëveshjes së huasë, ndërmjet këshillit të ministrave të republikës së shqipërisë dhe fondit të abu dhabi-t për zhvillim, për financimin e projektit të rrugës Tiranë – Elbasan

Në mbështetje të nenit 100 të Kushtetutës, të nenit 26, të ligjit nr.9665,   datë 18.12.2006, “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”, dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve Publike dhe Transportit dhe ministrit të Financave, Këshilli i Ministrave
V E N D O S I:

Miratimin, në parim, të marrëveshjes së huasë, ndërmjet Këshillit të Ministrave të Republikës së Shqipërisë dhe Fondit të ABU DHABI-t për Zhvillim, për financimin e projektit të rrugës Tiranë – Elbasan, nëpërmjet një huaje prej        183 650 000 AED (njëqind e tetëdhjetë e tre milionë e gjashtëqind e pesëdhjetë mijë) AED Dirham të Emirateve, sipas tekstit që i bashkëlidhet këtij vendimi.

Ky vendim hyn në fuqi menjëherë.
K R Y E M I N I S T R I

SALI BERISHA
16/11/2011