VENDIM PËR SHTYRJEN E AFATIT TË BOTIMIT TË NJOFTIMIT TË FITUESIT E TË NJOFTIMIT TË KONTRATËS SË LIDHUR DHE PËR ZHBLLOKIMIN E FONDEVE PËR INVESTIME, TË VITIT 2009, PËR PROCEDURAT E PROKURIMIT, TË KRYERA NGA MINISTRIA E SHËNDETËSISË E DISA INSTITUCIONE, NË VARËSI TË SAJ, SI AUTORITETE KONTRAKTORE

Në mbështetje të nenit 100 të Kushtetutës dhe të nenit 75, të ligjit nr.9643, datë 20.11.2006, “Për prokurimin publik”, të ndryshuar, me propozimin e ministrit të Shëndetësisë, Këshilli i Ministrave

V E N D O S I :

1. Lejimin e Ministrisë së Shëndetësisë dhe të disa institucioneve, në varësi të saj, të përfundojnë, deri më 28 dhjetor 2009, disa procedura prokurimi, si autoritete kontraktore, sipas aneksit nr.1, që i bashkëlidhet këtij vendimi dhe është pjesë përbërëse e tij.

Brenda këtij afati të përfshihen lidhja e kontratave përkatëse dhe botimi i njoftimit të kontratës së nënshkruar në Buletinin e Njoftimeve Publike.

2. Lejimin e  zhbllokimit të fondit për procedurat e prokurimit, të cilat i përkasin  fondit të investimeve, të vitit 2009, e të përfshira në ankesin nr.1, që i bashkëlidhet këtij vendimi.
3. Ngarkohen Ministria e Shëndetësisë dhe Agjencia e Prokurimit Publik për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA
11/12/2009