MARRËVESHJA NDËRMJET QEVERIVE TË VENDEVE PJESËMARRËSE NË BASHKËPUNIMIN EKONOMIK TË DETIT TË ZI, PËR BASHKËPUNIMIN NË LUFTËN KUNDËR KRIMIT, NË MËNYRË TË VEÇANTË, FORMAT E TIJ TË ORGANIZUARA

Neni 1

Fushat e Bashkëpunimit

1. Palët do te bashkëpunojnë për parandalimin, shtypjen, zbulimin, mbylljen dhe investigimin e krimeve dhe ne veçanti te:

– akteve te terrorizmit;

– krimit te organizuar;

– kultivimit te paligjshëm, prodhimit, përpunimit dhe trafikut te narkotikeve dhe te substancave psikotrope;

– përpunimit ilegal, tregtimit ilegal dhe përdorimit te prekursoreve dhe lendeve baze për prodhimin ilegal te narkotikeve dhe te substancave psikotrope;

– trafikut te paligjshëm te armeve, duke përfshirë armët biologjike, kimike dhe radioaktive, municionet,eksplozivet, materialet nukleare dhe radioaktive, si dhe substancat helmuese;

– aktiviteteve ndërkombëtare ilegale ekonomike dhe legalizimit te aktiviteteve (pastrimi i parasë) qe rrjedhin nga aktivitetet kriminale, transaksione te dyshimta ekonomike dhe transaksione bankare dhe abuzime ne fushën e investimeve;

– kontrabandës;

– aktiviteteve kriminale te lidhura me migracionin, kalimin ilegal te kufirit dhe trafikun ilegal te qenieve njerëzore;

– shfrytëzimit seksual te grave dhe te miturve apo fëmijëve;

– falsifikimit te kartëmonedhave, kartave te kreditit, dokumenteve, sigurimeve dhe vlerave te tjera, si dhe çdo lloj dokumenti identiteti;

– krimet e dhunshme kundër jetës dhe pronës se njerëzve;

– trafikut ilegal te objekteve te trashëgimisë historike dhe kulturore, veprave te artit, gurëve dhe materialeve te çmuara, pronësisë intelektuale, si dhe te çdo lloj materiali tjetër te vlefshëm;

– korrupsionit;

– krimit ekologjik;

– krimit teknologjik, duke përfshirë krimin kompjuterik;

– marrjes peng dhe tregtimit te njerëzve dhe organeve;

– krimeve detare (grabitje detare, pirateri etj. );

– vjedhjeve dhe trafikut ilegal te automjeteve.

2. Palët gjithashtu do te bashkëpunojnë ne fushat e mëposhtme:

– edukimit, trajnimit dhe rritjes se aftësive te personelit;

– bashkëpunimit ne fushat e kulturës, sportit dhe sociale nëpërmjet shkëmbimit te delegacioneve;

– zhvillimit te kërkimeve shkencore me qellim luftën kundër krimit dhe zhvillimin e sistemeve te informacionit, mjeteve te komunikimit dhe pajimeve speciale;

– bashkëpunimit ne fusha te tjera me interes te përbashkët, me qellim kontrollin e kriminalitetit ne përgjithësi dhe parandalimin e krimit, si p. sh. zbulimin e personave te humbur, objekteve te humbura apo te vjedhura dhe identifikimi i kufomave.