MARRËVESHJA E BASHKËPUNIMIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS ITALIANE NË LUFTËN KUNDËR KRIMINALITETIT

Neni 2

Palët bashkëpunojnë, nëpërmjet organeve kompetente përkatëse, në parandalimin, zbulimin dhe goditjen e krimeve, mbi të gjitha të atyre të formës së organizuar, në mënyrë të veçantë në sektorët e poshtëshënuar:

a) krimi i organizuar;

b) kërkimi dhe kapja e personave të ikur;

c) trafiku i paligjshëm i lëndëve narkotike, substancave psikotrope dhe (prekursorëve);

d) kontrabanda, duke iu referuar veçanërisht asaj që kryhet nga organizatat kriminale;

e) trafiku i paligjshëm i armëve, lëndëve plasëse dhe toksike, si dhe i materialeve radioaktive;

f) kalimi i paligjshëm i kufirit;

g) trafiku i qenieve njerëzore dhe shfrytëzimi seksual i femrave dhe i të miturve, veçanërisht në rastin e shtyrjes drejt prostitucionit dhe pornografisë;

h) vjedhje automjetesh.

Kjo Marrëveshje nuk ka të bëjë me aspektet që lidhen me ndihmën gjyqësore në fushën penale dhe të ekstradimit.

Dispozitat e parashikuara në këtë Marrëveshje nuk cënojnë detyrimet e Palëve që rrjedhin nga marrëveshje/konventa të tjera dypalëshe ose shumëpalëshe.